Dehachi Tijori - Aamhi Jato Amchya Gaava (1968)

Song: Dehachi Tijori.

Movie : Aamhi Jato Amchya Gaava.

Singer(s): Sudhir Fadke.

Music Director(s): Sudhir Fadke..

Lyricist(s): Jagdish Khebudkar.

Year : 1968.

Dehachi  tijori,  bhaktichach  theva

Ughad dar deva aata, ughad dar deva

Pite dudh dole mituni  jat manjarachi

Mani chortyachya ka re bhiti chandanychi

Saravalya hatanahi kanp ka sutava

Ujedat hote punya andharat pap

Jyache tyache hati ahe kartavyache map

Dusht durjananchi kaisi ghade lokseva

Swarth janu bhitivarcha aarsa bilori

Apulich  pratima hote apulich vairi

Ghadghadi apradhyacha tol savrava

Tuzya hati panduranga tijori phutavi

Muktpane bhakti mazi, tuzi tu lutavi

Marg tuzya raulacha, mala aaklava

Bhulepanasathi koni burepana kela

Bandhanat asuni veda jagi mukt zala

Aapulyach soukhyalagi karil to heva

गाण- देहाची तिजोरी.

चित्रपट - आम्ही जातो आमच्या गाव .

गीतकार - जगदीश खेबुडकर.
संगीत - सुधीर फडके .
स्वर - सुधीर फडके . 

सन - १९६८.

देहाची तिजोरी, भक्‍तीचाच ठेवा
उघड दार देवा आता, उघड दार देवा

पिते दूध डोळे मिटूनी जात मांजराची
मनी चोरट्याच्या का रे भीती चांदण्याची
सरावल्या हातांनाही कंप का सुटावा

उजेडात होते पुण्य अंधारात पाप
ज्याचे त्याचे हाती आहे कर्तव्याचे माप
दुष्ट दुर्जनांची कैसी घडे लोकसेवा

स्वार्थ जणु भिंतीवरचा आरसा बिलोरी
आपुलीच प्रतिमा होते आपुलीच वैरी
घडोघडी अपराध्यांचा तोल सावरावा

तुझ्या हाती पांडुरंगा तिजोरी फुटावि
मुक्‍तपणे भक्‍ती माझी, तुझी तू लुटावि
मार्ग तुझ्या राऊळाचा, मला आकळावा

भलेपणासाठी कोणी बुरेपणा केला
बंधनात असुनी वेडा जगी मुक्‍त झाला
आपुल्याच सौख्यालागी करील तो हेवा